6. ANHTE A SHINGBYI SHARA KARAI KASANG A LAM.

(Shakawn Kungdawn Laika 46:1-11)

Karai Kasang gaw anhte a shingbyi shara hte n-gun rai nga ai, Ru tsang ai aten e karum na jin nga chalu rai nga ai.

Dai majaw ginding aga galai mat wa nna, Nammukdara ka-ang na bum ni a wam nga timung,

Hka leng ni wung nga nna kanawng nga ai hte, Dai ni rawt hta ai a majaw, bum ni ashun nga ma timung, anhte n hkrit ra ga ai.

Hka nu hte de a hka gai ni Karai Kasang a mare hte, Tsaw htum ai Wa a chyoi pra ai htingnu ni hpe, shapyaw nga ma ai.

Karai Kasang gaw de a ka-ang e shanu nga ai: Dai mare gaw shamu shamawt nga ai n rai; Karai Kasang gaw shi hpe jau jau e karum na wu ai.

Masha amyu ni kabrawng nga masai, mungdan ni shamu shamawt mat masai: Shi gaw shi a nsen dat dat nna, ginding aga byawng mat sai.

Zaw nawng zaw wa up ai Yehowa, anhte hte rau nga nga ai, Yaku a Karai Kasang gaw anhte a langchyi rai nga ai.

Sa marit, Yehowa a amu hpe mada yu mu; Ga ntsa e shi akrin atsai di kau nu ai.

Ga ting hta na hpyen majan shi jasim kau wu ai; Ndan pala hpe shi daw kau nna, Ri hpe kahtum kadaw di kau wu ai: Hpyen leng ni hpe wan hte nat kau mu ai.

Amu sha nga mu, ngai Karai Kasang rai nga nngai, chye mu. Amyu baw ni hta ngai galu kaba wa nna, Ga ntsa e danhkung nga na nngai.

Zaw nawng zaw wa up ai Yehowa anhte hte rau nga nga ai. Yaku a Karai Kasang gaw anhte a langchyi rai nga ai.

Click here to download [ Word ] [ PDF ]