48. HPAJI BYENG YA A LAM

(Ga Shagawp Laika 3:13-23 26)

Hpaji byeng-ya mu hkrup ai hte, Chye chyang ai myit lu la ai wa gaw, a nga ai.

Kaning rai nme law, hpaji hpaga ga ai gaw gumhpraw hpaga hte, De a amyat gaw ja jet hte, grau akyu nga ai.

Dai gaw patamya lungseng hte grau hpu nga ai rai nna, Nang ra ai hpa raitimung, dai hte shadawn lu ai n rai.

Shi a hkra lata hta asak galu ai, rai nga nna, Pai lata hta sutgan hte arawng sadang rawng nga lu ai.

Shi a lam ni gaw, sharawng awng ai lam ni rai nga nna, Shi hkan ai hku yawng, ngwi pyaw nga ai.

Shi gaw, shi hta manoi manat ai ni a matu asak hpun rai nga ai: Dai hpe n tat kau ai wa gaw a nga ai.

Yehowa gaw hpaji byeng-ya hte ginding aga hpe gaw da nna, Chye chyang ai hte, sumsing lamu hpe hpajang da nu ai.

Shi chye chyang ai nyan hte sung ai shara ni ga mahka wa nna, Sumwi kaw na mari hkrat nga ai.

Ngai sha e, dai lam ni hpe na a man na n gangkau ai sha, Hpaji madung hte chye ginghka ai myit rawng nga u.

Shingrai yang, dai gaw na a wenyi hpe jahkrung ya ai asak, Na a du hta arawng sadang, tai na ra ai.

Na a lam hta hkrithpa n hkrum ai hte, Na a lagaw n ahtu ai sha, nang sa wa na ndai.

Kaning rai nme law, Yehowa gaw na a kamhpa shara rai nga nna, Na a lagaw hpe sharen da ai n hkrum hkra, bau sin nga ai.

Click here to download [ Word ] [ PDF ]