53. HTAM SHI ALU A LAM
(Jaw Jau Laika 27:30,
Ningpawt Ninghpang Laika 14:20b,
Ningpawt Ninghpang Laika 28:20-22,
Bu Hkawn Laika 18:21, 24,
Malahki Laika 3:8,10)
Nai mam raitimung, namsi namsaw raitimung, ga hta nna ngai ai nsi naisi yawng a htamshi hta htammi gaw, Yehowa a jahkawn rai nga ai: dai gaw Yehowa a matu chyoi pra nga ai rai nga ai.
Abram mung shi lu la ai mahkra hta na htamshi hta htammi shi hpe jaw da wu ai.
Yaku gaw, Ngai nye wa nta de ngwi pyaw ai hte bai du wa lu hkra, Yehowa nye a Karai Kasang tai nga nna,
Karai Kasang shi ngai hte rau nga nga ai hte, ya ngai hkawm sa wa ai lam hkan e ngai hpe hkan pau let, sha na shat hte bu hpun na hpun palawng ngai hpe jaw a yang gaw,
Ndai mahtan daw di nna ngai jun ai nlung mung, Karai Kasang a nta tai na ra ai: nang ngai hpe jaw ai mahkra hta na htamshi hta htammi, ngai nang hpe teng teng wa jaw na ring ngai, ngu nna shaka dagam da wu ai.
Lewi masha ni gaw, shawa sum a amu gunhpai nga ma ai majaw, shanhte a sali wunli shatai na, Israela kashu kasha ni lu ai hta na htamshi hta na htammi tup ngai jaw mase ai.
Kaning rai nme law, Israela kashu kasha ni Yehowa hpe manawt hkungga hku jaw jau ai htamshi hta htammi hpe, Lewi masha ni a sali wunli shatai na matu ngai shanhte hpe jaw se ai: dai rai nna shanhte gaw Israela kashu kasha ni hta sali wunli ga madu lu na n rai, nga nna shnhte hpe ngai tsun nga nngai, ngu wu ai.
Shinggyim masha gaw, Karai Kasang hpe, hpya lu hpya sha mai a ni? nanhte mahtang ngai hpe hpya lu hpya sha ma ni ai. Raitimung nanhte gaw, Anhte nang hpe kaning rai hpya lu hpya sha ga ta? nga nna tsun myit dai. Htamshi hta htammi hte, nwat kumhpa n jaw ai majaw, ngai hpe hpya lu hpya sha ai, rai nga ai.
Nye a nta hta lusha rawng nga na matu, htamshi hta htammi yawng, nye a sutdek hta bang da mu: shingrai ngai gaw, sumsing lamu hkuwawt hku hpaw nna, nanhte n dang hkap la lu hkra, nanhte a ntsa e shaman ai chyeju ru bun na, n ru bun na gaw, ya dai lam ngai hpe chyam yu mi, nga nna Zaw nawng zaw wa up ai Yehowa tsun ai.
Click here to download [ Word ] [ PDF ]
